Социаль куркыныч хәлдә булган гаиләләрдә янгын профилактикасы
Әлеге категория гаиләләр социаль яклау органнары, полиция һәм, әлбәттә, ГТХМ хезмәткәрләренең даими контролендә торалар. Аларның яшәү урыннарына елына берничә тапкыр йөри. Бүген социаль куркыныч хәлдә булган 11 гаилә яшәү урыннарында булды.
Саба һәм Теләче муниципаль районнары буенча күзәтчелек эшчәнлеге һәм профилактик эшләрнең районара бүлеге начальнигы Айнур Галимуллин һәр гаилә әгъзасы белән әңгәмә корды һәм янгын куркынычсызлыгы таләпләрен үтәү, кече яшьтәге балаларны караучысыз калдырмау турында искәртте. Гадәттән тыш хәлләр министрлыгы хезмәткәре эксплуатацияләнә торган приборларга һәм аларны эксплуатацияләү янгынга китерергә мөмкин булган җайланмаларга аерым игътибар бирде.
Рейд барышында гаиләләрдә элегрәк урнаштырылган автоном төтен янгын хәбәрчеләренең булуын һәм төзеклеген тикшерделәр. Әлеге җайланмалар булмаган йортларда хәбәр итүчеләр халыкка тапшырылды һәм урнаштырылды.