Татарстан Республикасы буенча Россия ГТХМ Баш идарәсе дүртенче тапкыр Россия ГТХМда иң яхшысы дип танылды
Соңгы 11 елда Россия гадәттән тыш хәлләр министрлыгының Татарстан Баш идарәсе менә дүртенче тапкыр гадәттән тыш хәлләр буенча федераль министрлыкның 85 территориаль органнары арасында иң яхшысы дип табылды. Бу карар 2021 елда эшчәнлек нәтиҗәләре буенча «Россия Федерациясе субъекты буенча Россия ГТХМ иң яхшы Баш идарәсе» исеменә конкурс нәтиҗәләрен чыгару буенча Россия ГТХМ комиссиясе утырышында кабул ителде, анда 12 номинант әзерләгән өч минутлык видеороликлар презентациясе узды.
Кичә Мәскәүдә Россия гадәттән тыш хәлләр министрлыгы коллегиясенең йомгаклау утырышы узды, анда ведомствоның 2021 елдагы эшчәнлеге нәтиҗәләре каралды һәм агымдагы елга өстенлекле бурычлар актуальләштерелде. Видеоконференция режимында узган чарада Россия Президенты Владимир Путин катнашты.
Чара кысаларында Россия ГТХМ башлыгы вазыйфаларын вакытлыча башкаручы Александр Чуприян тантаналы рәвештә Россия гадәттән тыш хәлләр министрлыгының ТР буенча Баш идарәсе башлыгы эчке хезмәт генерал-лейтенанты Рафис Хәбибуллинга «Россия ГТХМ ның иң яхшы Баш идарәсенә»күчмә вымпелын тапшырды. Россия Федерациясе субъектларында Россия ГТХМ Баш идарәләренең берсе дә мондый лаеклы тануга ирешмәде. Россия гадәттән тыш хәлләр министрлыгының ТР буенча Баш идарәсе инде дүртенче тапкыр иң яхшысы дип табылды.
ВИДЕО: https://mchs.tatarstan.ru/pressa/video.htm/video/7853579.htm