Сыйфат билгесе белән җиңү!
Янгын профилактикасы инженеры барысын да белергә тиеш! Моны тагын бер кат исбатлау мөмкинлеге Татарстанның килешү бүлекчәләренең шәхси составына тәкъдим ителде. Кичә Түбән Камада «Шинник» спорт комплексы базасында республика смотр-конкурсының йомгаклау этабы узды.
Республикада беренчеләр исеме өчен Казан, Яр Чаллы, Түбән Кама һәм Әлмәттән килгән 12 катнашучы көрәште. Алар барысы да күптән түгел үз бүлекчәләрендә башлангыч этапларда призерлар булдылар. Шунысын да билгеләп үтәргә кирәк, республика масштабында иң яхшыларның иң яхшылары соңгы тапкыр 10 ел элек ярыштылар.
Ярышлар гадәти схема буенча узды. Башта конкурсантлар, мәҗбүри күнегүләр ясап, үзләренең физик кондицияләрен күрсәттеләр. Ир-атлар 1000 метр дистанциягә йөгерүдә һәм аркада тартылуда көч сынаштылар. Кызларда күнегүләр җыелмасы соңгы позиция белән генә аерылып торды – перекладинаны пресс тикшерүе белән алыштырдылар.
Аннан соң иң җаваплы этап – махсус әзерлектә белем һәм күнекмәләрне тикшерү башланды. Теоретик өлеш 60 мәсьәлә буенча тест үткәрүне үз эченә алды.
Барлык этаплардан соң махсус төзелгән комиссия конкурска йомгак ясады. Барлык дисциплиналарда җыелган баллар суммасы буенча килешү бүлекчәләре арасында «янгыннарны профилактикалауның иң яхшы инженеры» исеме Әлмәт филиалының 15 ЯКБ инженеры Айгөл Сафиуллинага бирелде. Аның артыннан мактау баскычына шулай ук Әлмәт отряды вәкиле – 24 ЯКБ инженеры Оксана Ибаева күтәрелде. Өченче урынны Түбән Кама филиалыннан катнашучы – ЯКБ инженеры Арслан Миңнеголов алды. Призер кызларның тагын бер коллегасы - 27 ЯКБ инженеры Алия Шәрифуллина да әзерлек дәрәҗәсен күрсәтте.
Шулай итеп, кызлар Әлмәткә бай уңыш – медальләр, грамоталар, күчмә кубок, ә иң мөһиме хис-кичерешләр һәм янгыннарны кисәтү юнәлешендә югары осталык дәрәҗәсе өчен горурлык алып килделәр.
Юлия Григорьева
Фото:
Руслан Хәйруллин