Янгынга каршы махсус режим таләп итә
Безнең республика территориясендә 2021 елның 26 апреленнән кертелгән янгынга каршы махсус режим башланганнан бирле федераль дәүләт янгын күзәтчелеге хезмәткәрләре урман массивлары белән чикләнә торган торак пунктларның территорияләренә планлы тикшерүләр үткәрүне оештырдылар.
Түбән Кама муниципаль районы буенча күзәтчелек эшчәнлеге һәм профилактик эш бүлеге хезмәткәрләре көн саен эш көннәрендә дә, бәйрәм көннәрендә дә Түбән Кама районы территориясендә профгруппалар составында тиешле эш алып баралар.
Территорияләрне план буенча тикшерү бакчачылык ширкәтләрендә, урман массивлары белән чиктәш торак пунктларда, урман-парк зоналарында, ачык территорияләрдә һәм гражданнарның ял итү урыннарында үткәрелде.
Халык белән янгын куркынычсызлыгы таләпләрен үтәү буенча аңлату әңгәмәләре үткәрелде, белешмәлекләр тапшырылды. Федераль янгынга каршы хезмәтнең хезмәткәрләре стендларда тиешле мәгълүматны яңарттылар.
Тикшерү барышында янгын куркынычсызлыгының мәҗбүри таләпләрен бозу очраклары ачыкланмады-минераллаштырылган полосалар үтәлде, янгын техникасы өчен юллар каралмады, санкцияләнмәгән чүплекләр юк, тавыш сигнализациясе бар, үләнне һәм чүп-чарны яндыру очраклары ачыкланмады.