Май ял көннәрендә ГТХМ хезмәткәрләре гражданнарга янгын куркынычсызлыгы кагыйдәләрен үтәү турында тагын бер кат искәртә
Бүген ГТХМ хезмәткәрләре Казан торак массивы буенча профилактик рейд үткәрделәр. Профилактик төркем язгы янгын куркынычы янаган чорда үтәлергә тиешле янгын куркынычсызлыгы кагыйдәләрен бистәнең һәр кешесенә җиткерергә тырышты. Мондый янгынга каршы акциянең төп максаты – торакларда янгыннарны кисәтү һәм янгын куркынычсызлыгы таләпләрен бозучыларны ачыклау.
Рейд барышында янгын сүндерүчеләр һәм дәүләт янгын күзәтчелеге инспекторлары гражданнар белән әңгәмә корыган үләнне һәм чүп-чарны яндыруны тыю турында, аеруча 26 апрельдән 16 майга кадәр гамәлдә булган махсус янгынга каршы режим кысаларында ачык ут куллануны тыю турында искәрттеләр. Ялгыз пенсионерларга өйдән чыккан вакытта газ һәм электр приборларын сүндерү турында искәрттеләр.
Мондый профилактик рейдлар бөтен республика территориясендә үткәрелә, бу янгыннарның санын киметү генә түгел, алардан килгән фаҗигаләрне минимальләштерү дә. Чөнки майның беренче дүрт көнендә генә дә Татарстанда янгыннарда 10 кеше үлгән.