Өлкән яшьтәге гражданнарга - аерым игътибар
Ел саен октябрь аенда Өлкәннәр көне билгеләп үтелә һәм нәкъ менә шушы категория гражданнарга зур игътибар бирелә. Гадәттән тыш хәлләр министрлыгы хезмәткәрләре һәм социаль яклау хезмәткәрләренең өлкән яшьтәге гражданнар яши торган урыннар буенча уртак эше Өлкәннәр декадасы һәм торак секторда профилактик эш алып барыла.
Рейдлар барышында торакның янгын куркынычсызлыгына аерым игътибар бирелә, анда яшәүчеләр белән янгын куркынычсызлыгы таләпләрен үтәү буенча әңгәмә үткәрелә һәм белешмәлек тапшырыла. Өлкән кешеләрнең яшәү урыннарына барганда социаль яклау бүлеге хезмәткәрләре автоном янгын хәбәр итүчеләрнең торышын контрольдә тота, әлеге җайланмаларның электр туклану батареяларын алмаштыра.
Өлкән яшьтәге гражданнар белән эшләүдә турыдан-туры хезмәттәшлек социаль яклау органнары хезмәткәрләре җилкәсенә төшә, шуңа күрә бүген Саба һәм Теләче муниципаль районнары буенча күзәтчелек эшчәнлеге һәм профилактик эшләрнең районара бүлеге начальнигы Айнур Галимуллин өлкән яшьтәге гражданнар белән хезмәттәшлек итүче хезмәткәрләр белән дәрес үткәрде.
Җылыту сезоны башлану белән мич җылыту һәм төтен чыга торган урыннар, газ һәм электр җиһазлары урнаштыру һәм эксплуатацияләү белән бәйле янгыннар ешая. Үз чыгышы барышында дәүләт янгын күзәтчелеге инспекторы җыелучыларга, нәкъ менә шушы сәбәпләр аркасында, Саба муниципаль районында агымдагы елда теркәлгән янгыннарга кыскача анализ ясады. Айнур Галимуллин социаль хезмәткәрләрне өйләргә барып, өлкән яшьтәге гражданнарның торак куркынычсызлыгына, аерым алганда, җылыту системаларының, төтен чыга торган юлларның, электр хуҗалыгының торышына, төзеклегенә игътибар итәргә чакырды.
Әлеге чарада социаль яклау бүлегенең 27 хезмәткәре катнашты. Мондый очрашулар даими үткәрелә. Аларга Татарстан Республикасы Хезмәт, мәшгульлек һәм социаль яклау министрлыгы вәкилләре Саба муниципаль районында була.