“Акыллы” Иннополис шәһәре беренче тапкыр янгынчыларның республика ярышларын үзендә кабул итте
Ел саен газ – төтен хезмәте звенолары арасында хезмәт бурычын үтәгәндә һәлак булган янгынчылар истәлегенә багышланган республика ярышлары быел Иннополиста үтте. Аны «киләчәк шәһәре» дип тә атыйлар.
- Әлеге ярышларның максатларының берсе-һәр бүлекчәдә булырга тиеш булган тренировкалар базасын булдыру һәм камилләштерү, - дип шәрехли Татарстан Республикасы буенча Россия ГТХМ Баш идарәсе башлыгы урынбасары Константин Чанышев.
Ярышларның этаплары чын янгыннарда барган барлык хәрби хәрәкәтләрнең элементларын да тулысынча диярлек кабатлады. Старттан соң тимер ишекне ачу тантанасы булды. Киләсе этап-уку башнясы. Алга таба-җылылык-су камерасында сынау. Ярышларның барлык этапларын үтәгәндә һәр хата өчен командага штраф секундлары өстәделәр.
Нәтиҗәдә, барысыннан да тизрәк һәм минималь күләмдә штраф балллары белән республика ярышларында Иннополис шәһәренең 8 янгын сүндерү һәм коткару бүлеге командасы җиңү яулады. Икенче нәтиҗәне Яр Чаллы шәһәреннән ЭКБ-63 газ-төтен яклаучылары күрсәтте, ә өченче урынны ЭКБ-65тән Әлмәт янгын сүндерүчеләре алды.
Резедә ЙОСЫПОВА