Кагыйдәләрне гел истә тотыгыз, укуда да, уенда да!

11 сентябрь 2020 ел., җомга

Бүген балалар куркынычсызлыгы айлыгы кысаларында Түбән Кама балалар йортында тәрбияләнүчеләр Түбән Кама муниципаль районы буенча күзәтчелек эшчәнлеге һәм профилактик эшләр бүлеге башлыгы Рамил Насыйбуллин белән очраштылар. Түбән Кама районының янгын күзәтчелеге буенча баш дәүләт инспекторы үз чыгышын тантаналы нотадан башлады һәм Түбән Кама балалар йорты коллективына тыгыз һәм нәтиҗәле хезмәттәшлек өчен рәхмәт хаты тапшырды. Аннары ул балаларны яңа уку елы белән котлады, янгын куркынычсызлыгының төп кагыйдәләрен искә төшерде:

- уйнап ташланган шырпы янгынга, шулай ук авыр тән җәрәхәтләренә һәм травмаларга китерергә мөмкин;

- корылмалар янында, сарайларда, чарлакларда, подвалларда ут белән уеннар оештырмагыз;

- шырпы белән уйнамагыз, кечкенә балалар шырпы белән шаярмасын өчен күзәтегез;

-таныш булмаган предметларны, шул исәптән буяулар һәм аэрозоль төргәкләрен җылытмагыз;

- караучысыз калдырылган электр җылыту приборлары белән уйнамагыз, электр приборлары челтәренә кертелгән электр приборлары янгынга китерергә мөмкин.

Гадәттән тыш хәлләр министрлыгы хезмәткәре егетләр белән утны бер үк вакытта кеше дошманы һәм дусты дип атаулары турында фикер алышты. Һәр тәрбияләнүченең үз фикерләре һәм теорияләре бар иде, алар белән бик теләп уртаклаштылар.

Очрашу ахырында Рамил Фаяз улы янгын чыккан очракта (101, 112-бердәм коткару хезмәте) кәрәзле телефоннан нинди номерларга шалтыратырга кирәклеген искәртте һәм тәрбияләнүчеләргә янгынга каршы темага буклетлар тапшырды. Очрашу истәлеккә фотографиягә төшу  белән тәмамлады.

 

Түбән Кама ш. ЦП һәм ОС методисты Әхмәтова Г. З.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International