Бер тәүлектә Татарстан янгын сүндерүчеләре тревога буенча 69 тапкыр юлга чыккан

Республикада 8 янгын очрагы теркәлгән. Россия Гражданнар оборонасы эшләре, гадәттән тыш хәлләр һәм бәла – каза нәтиҗәләрен бетерү министрлыгының ТР буенча Баш идарәсе Янгынчылык хезмәте подразделениеләре тревога буенча 69 тапкыр юлга чыккан. 3 октябрь көнне булган мәгълүматлар буенча, республикада 8 янгын очрагы теркәлгән. Нәтиҗәдә 1 кеше һәлак булган, 6 кеше коткарылган. Ут белән саксыз эш итү нәтиҗәсендә 1 янгын чыккан, кыска ялганыштан – 3 янгын, тәмәке төпчегеннән – 1 янгын, электр җылыткыч приборларын саксыз кулланган нәтиҗәсендә - 1 янгын, билгесез сәбәпләр буенча  - 3 янгын. Зональ эзләү – коткару отрядының дежур сменасы тревога буенча 17 тапкыр юлга чыккан.

Россия Гадәттән тыш хәлләр министрлыгы ТР буенча баш идарәсе кисәтә:

·         Спиртлы эчемлекләрне артык эчмәскә

·         Яткан җирдән тәмәке тартмаска

·         Балаларны караучысыз калдырмаска, аларга янгын куркынычсызлык кагыйдәләрен аңлатырга

·         Төзек булмаган электр үткәргечтән, ватык электр җиһазларыннан файдаланмаска

·         Электр челтәренә артык күп электр җиһазы кушмаска

·         Электр җылыткычлары кулланганда саклык белән эш итәргә

·         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.