КОШЛАРНЫҢ САЙРАВЫН ИШЕТМӘГӘНДӘ...
...Мәңгегә килгән бушлык хисе, тормыш юклыгы котны ала иде. Кешеләр өйләреннән һәм ишегалларыннан ашыгып китеп, бер минуттан соң кире кайтып һәм эшләрен дәвам итәчәк дип уйлап, көнкүреш әйберләреннән үзенә бертөрле натюрморт калдырганнар иде. Кайдадыр эскәмиядә курчак, эшләп бетерелмәгән түтәл уртасында көрәк, кер юудан соң эленмәгән кер, һәм дә төшке аш алдыннан җәелгән савыт-саба – бөтен нәрсә ничек калган, шулай тора, кешеләр генә юк.
1986 ел 26 нчы апрельдә куркыныч катастрофа Фәнис Багманов тормышын ике өлешкә мәңгегә бүлде. Хәзер ул менә инде берничә ел хаклы ялда, ләкин эшләү мөмкинлеген калдыра.
– Чернобыльда шул куркыныч катастрофадан узып киткән бу 30 ел гел булмаган кебек. Күңелсез читләшкәнлек күренешләре һаман да күз алдында, – ди Татарстан Республикасы буенча Федераль янгынга каршы хезмәтнең республика көньяк-көнчыгышында нефть чыгаручы оешмаларын саклый торган икенче отрядында намус белән хезмәт иткән янгын сүндерү хезмәте ветераны подполковник Фәнис Зиннурович Багманов. Нәкъ Чернобыль атом электр станциясендә авария нәтиҗәләрен бетерүдә катнашу, ул турыдан-туры әйткәндә, аның язмышына иң зур тәэсир иткән.