Татарстан Республикасы Гражданнар оборонасы эшләре һәм гадәттән тыш хәлләр министрлыгы

Кече күләмле суднолар дәүләт инспекторлары журналистлар белән суга чыктылар

2010 елның 30 июле, җомга

Бүген Кече күләмле суднолар дәүләт инспекторлары журналистлар һәм ТР буенча МВД хезмәткәрләре белән Идел акваториясен патрульлек иттеләр. Әлеге чара “СМИ – куркынычсыз җәй өчен” дигән акция кыссаларында оештырылды. Рейдның төп максаты булып тагын бер тапкыр халыкка суда коенган вакытта, кече күләмле судноларда йөзгән вакытта куркынычсыз кагыйдәләрен искә төшерү тора. Россия гадәттән тыш хәлләр министрлыгы ТР буенча Кече күләмле суднолар дәүләт инспекция үзәгенең инспекторлары журналистлар белән катерга утырып Югары Ослан районына юл тоттылар. Идел аша тимер юл күпере янына килеп Кече күләмле суднолар дәүләт инспекция хезмәткәрләре малайларны күреп ала. Алар фарватерда су йөзделәр һәм күпердән сикерделәр. Инспекторлар малалайларга кисәтү ясадылар, ләкин алар кисәтүне исәпкә алмадылар, хәтта катерда утырган милиционерның кырыс карашыннан да куркмадылар. Катер китүгә малайлар яңадан суга керделәр. Аннан соң, инспекторларга номеры булмаган катер очрады. Ачыкланганча катер хуҗасының кирәк яраклы документлары юк иде. Хуҗа кеше катерны күптән түгел алганлыгын, һәм аны әле төркәргә өлгермәгәнлеге турында әйтте. “Яңа катерны алганнан соң, аны төркәү өчен без бер ай вакыт бирәбез. Мондый кимчелекләр белән беренче тапкыр эләгүчеләргә 500 сум штраф салына. Ә, менә аннан соң да кимчелеләрне бетермәсәләр, шул вакытта 1000 сум штраф салына, - дип әйтте Россия гадәттән тыш хәлләр министрлыгы ТР буенча Кече күләмле суднолар дәүләт инспекция үзәгенең казан бүлегенең җитәкчесе Илдус Измайлов”.

Шулай ук, Кече күләмле суднолар дәүләт инспекция хезмәткәрләре “Локомотив” пляжын йөреп чыктылар. Бозучылар анда күренмәде. Ял итүчеләр билгеләнгән урында кыендылар. Мондый кызу коннәрдә Кече күләмле суднолар дәүләт инспекция хезмәткәрләре ялсыз эшлиләр.

- Бүген без мәгьлүмат агентлары белән бергә рейд уздырдык, - дип әйтте ТР кече күләмле суднолар буенча дәүләт инспекторы Рафаэл Яппаров. Рейдның төп максаты булып суда үзеңне тоту кагыйдәләре тора. Июль ае эчендә генә республикабызда 29 кеше батып үлде. Әлеге тикшерүләрне без көн саен уздырачакбыз.

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ