Лениногорскта Гражданнар оборонасы айлыгы нигезендә белем бирү оешмаларда гражданнар оборонасы системасы белән танышуга юнәлтелгән практик һәм ачык дәресләр үтте. Ачык дәресләрдә шәхси саклану чараларын куллану кагыйдәләре, беренче медик ярдәм күрсәтү практикада эшкәртелде.
Әмәлләрдә Лениногорск муниципаль районының 35 гомумбелем мәктәпләренең укучылары һәм педагоглары катнашты. Балалар белән дәресләрне ТР ГО һәм ГТХ буенча Уку-методик үзәге Лениногорск филиалы белгечләре һәм 7 нче Зональ эзләү-коткару белгечләре үткәрде.