Яшел Үзән янгын сүндерүчеләре фәкыйрь гаилә балаларына мәктәпкә җыенарга булыша

Менә инде сигезенче ел уздырыла торган “Мәктәпкә җыенырга булыш!” хәйрия акциясе акчага мохтаҗ гаиләләргә мәктәпкә әзерләнер өчен һәм укуга кирәк булган әйберләрне алыр өчен ярдәм итүгә җибәрелгән.

Яшел Үзән янгын саклау гарнизоны хезмәткәрләре дә һәр елны яхшы эшкә өлешләрен кертә. Муниципаль оешма администрация исеменнән бирелә торган яңа портфельләргә янгын сүндерүчеләр янгын куркынычсызлык буенча балалар истәлекләре һәм янгынга каршы пропаганда элементлары белән дәресләр расписаниесен салып куя. Охшаш акцияне  быел да үткәрделәр.

Гадәтчә федераль янгынга каршы хезмәтнең 8 нче отряд хезмәткәрләре №1 Васильев кадетлар мәктәбенең шефлыкка алынган балаларына ярдәм итә. Ә бу көннәрдә аерым чакыру буенча алар Гаилә һәм балалар өчен “Родник” ярдәм үзәгенә барды.

Татарстан Республикасы буенча федераль янгынга каршы хезмәтнең 8 нче отряд башлыгы урынбасары эчке эшләр подполковнигы Татьяна Суржко бәйрәмдә котлау сүзләре белән чыкты. “Родник” үзәгенең эшчеләре Татарстан Республикасы буенча 8 нче ФПС отряды башлыгы Зөфәр Хәлиуллин исеменә ярдәм иткән өчен рәхмәт хатын бирделәр.