Яр Чаллыда ГИМС инспекторлары арасында су-мотор ярышларының җиңүчесе билгеләнде

2014 елның 17 июльдән 18 нә кадәр Яр Чаллыда “Лесная сказка” ял базасында кече көймәләр буенча ФКУ «Татарстан Республикасы буенча ГИМС МЧС России үзәге» дәүләт инспекторлары арасында су-мотор ярышлары булды.

Ярышларның төп максаты – йөзү чараларын йөртү һәм суда һәлакәт кичерә торган кешеләрне коткару буенча ГИМС инспекторларының теоретик һәм практик әзерләнүнең дәрәҗәсен һәм сыйфатын тикшерү һәм бүлекләр иплелеген тикшерүе.

Ярышларда катнашты:

- Казан инспекторлары бүлеге – бер команда (5 кеше);

- Түбән Кама инспекторлары бүлеге –команда (5 кеше);

- Чистай инспекторлары бүлеге –команда (5 кеше);

- Яр Чаллы инспекторлары бүлеге –команда (5 кеше);

- Яшел Үзән инспекторлары бүлеге, Кама Тамагы һәм Лаеш инспекторлар участоклары – җыелма команда (5 кеше).

Индивидуаль исәптә ярышларның нәтиҗәләре:

- 1 нче этап җиңүчесе – теоретик белемне тикшерү (тест), Яшел Үзән инспекторлары бүлегенең кече көймәләр буенча дәүләт инспекторы Никонов К. А.;

- 2 нче этап җиңүчесе – мотор көймәләрдә (катерларда) 2 км тиз чабу, Яр Чаллы инспекторлары бүлегенең кече көймәләр буенча дәүләт инспекторы Семенов А. С.;

- 3 нче этап җиңүчесе – мотор көймәләрдә (катерларда) маневрлап тиз чабу, Кама Тамагы инспекторлар участогының кече көймәләр буенча дәүләт инспекторы Ананьев А. В.;

- 4 нче этап җиңүчесе – гидроциклда маневрлап тиз чабу, Кама Тамагы инспекторлар участогының кече көймәләр буенча дәүләт инспекторы Ананьев А. В.

Команда исәптә ярышларның нәтиҗәләре:

- 3 урынны Яр Чаллы инспекторлары бүлеге алды;

- 2 урынны Чистай инспекторлары бүлеге алды;

- 1 урынны Яшел Үзән инспекторлары бүлеге алды.

Җиңгән командага күчмә кубок бүләк ителде. Ә 23 июльдә республика ярышларының нәтиҗәләре буенча Татарстан Республикасы буенча ГИМС МЧС России Үзәгенең җыелма командасы тупланачак һәм су-мотор спорт буенча МЧС России Идел буе региональ узәк чемпионатында катнашачак.