Балалар саклау көне алдыннан: яшь янгын сүндерүчеләр дружиналары үзләренең янгын куркынычсызлык буенча осталыгын һәм белемлеген күрсәтте
Әлмәт шәһәрендә ТР ОФПС-2 №23 янгын бүлеге нигезендә Әлмәт районы мәктәпләре яшь янгын сүндерүчеләр дружиналары арасында һәр ел була торган янгын-практик спорт ярышлары үтте. Ярышларда балалар физик чыныкканлыгын һәм осталыгын гына түгел, ә бәйгенамә сорауларына җавап биргәндә янгын куркынычсызлык кагыйдәләрен бик яхшы белүен дә күрсәтте.
Бу әмәл балалар өчен ТРО ВДПОның Әлмәт бүлеге һәм ТР ГПС федераль янгынга каршы икенче отряды белән бергә оештырылды. Янгын куркынычсызлык буенча үзләренең ел эчендә өйрәнелгән бөтен белемен 19 мәктәп командалары күрсәтте.
Нәтиҗә итеп ярышларда №17 урта мәктәп җиңүче булды, икенче урынны №20 урта белем бирү мәктәбе алды, ә өченче урынны Кичуй авылының урта мәктәбе алды. Бөтен призерлар ТРО “ВДПО”ның Әлмәт бүлегеннән кадерле бүләкләр алды, ә җиңгән командага ярышларның күчмә кубогын бирделәр.