Тәүлек эчендә Татарстанда 12 янгын чыккан

Узган тәүлектә янгын сүндерү бүлекчәләре чакыру буенча 135 тапкыр ярдәмгә чыккан.  Чүп-чарны сүндерергә 12 тапкыр, кипкән үләнне сүндерергә - 20 тапкыр. Республикада 12 янгын очрагы теркәлгән. Торак секторда  3 янгын. 1 кеше һәлак булган, 1 кеше коткарылган.   

Сәбәпләре: ут белән саксыз эш итүдән – 4 янгын, сүндерелмәгән тәмәке төпчегеннән – 1 янгын,   электр җиһазны кулланган вакытта янгын куркынычсызлык кагыйдәләрен дөрес үтәмәү аркасында – 3 янгын, мичне кулланган вакытта янгын куркынычсызлык кагыйдәләрен дөрес үтәмәү аркасында – 3 янгын, газ җиһазларын кулланган вакытта янгын кагыйдәләрен дөрес үтәмәү аркасында – 1 янгын.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 15 тапкыр чыктылар. 7 кеше коткарылган.

Ирекле янгын сүндерүчеләр янгынга – 10 тапкыр чыктылар.

Эзләү – коткару зональ отрядының дежур каравылы тревога буенча 15 тапкыр чыктылар. Шуларның 1се ишекләрне ачу буенча,  башка чакырулар буенча – 14 тапкыр.

9.05.2014 ел 04.38 Яр Чаллы шәһәре,  «Гидростроитель-1» бакчачылар ширкәте.

Янгын турындагы хәбәр 4 сәг 38 минутта килә. 7 минуттан соң беренче янгын расчетлары килеп җитә. Ул вакытта ике бакча йорты тулаем ялкын эчендә була. Мәйданы 36 кв.м. Янгынны сүндергән вакытта коткаручылар ир-ат мәетен табалар. Фаҗиганең сәбәбе - ут белән саксыз эш итү.  

Россия Гадәттән тыш хәлләр министрлыгы ТР буенча баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска           

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.