Тәүлек эчендә Татарстанда 11 янгын чыккан

Узган тәүлектә янгын сүндерү бүлекчәләре чакыру буенча 78 тапкыр ярдәмгә чыккан.  Чүп-чарны сүндерергә 14 тапкыр. Республикада 11 янгын очрагы теркәлгән. Торак секторда  3 янгын. 1 кеше зарар күргән, 1 кеше коткарылган һәм 1 кеше һәлак булган.

Сәбәпләре: ут белән саксыз эш итүдән – 2 янгын, электр җиһазларын  кулланган вакытта янгын куркынычсыз кагыйдәләрен дөрес үтәмәү аркасында – 3 янгын, сүндерелмәгән тәмәке төпчегеннән – 2 янгын, ут төртүдән – 1 янгын.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 10 тапкыр чыктылар. 5 кеше коткарылган.

Ирекле янгын сүндерүчеләр янгынга – 2 тапкыр чыктылар.

Эзләү – коткару зональ отрядының дежур каравылы тревога буенча 12 тапкыр чыктылар. Шуларның 3се ишекләрне ачу буенча, башка чакырулар буенча – 9 тапкыр.

11.04.2014 ел  19.39  Ютаза МР, Иске Уруссу авылы,  1 май урамы,  22 нче йорт.

Ут бер катлы бүрәнәле торак йортта чыга. Мәйданы 100 кв.м. Янгынны сүндергән вакытта коткаручылар, 1936 елгы ир-ат мәетен табалар. Фаҗиганең сәбәбе – сүндерелмәгән тәмәке төпчеге.

11.04.2014 ел  13.19 Алабуга шәһәре,  Гассара урамы, 20а-21.

Ут биш катлы торак йортның бер фатирында чыга. Мәйданы 1 кв.м. Янгын сүндерүчеләр, 1992 елгы егетне (инвалид) коткаралар. Янгынның сәбәбе - электр җиһазларын кулланган вакытта янгын куркынычсыз кагыйдәләрен дөрес үтәмәү.

  Россия Гадәттән тыш хәлләр министрлыгы ТР буенча баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска           

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.