Тәүлек эчендә Татарстанда 6 янгын чыккан

Узган тәүлектә янгын сүндерү бүлекчәләре чакыру буенча 44 тапкыр ярдәмгә чыккан.  Чүп-чарны сүндерергә 3 тапкыр. Республикада 6 янгын очрагы теркәлгән. Торак секторда  1 янгын. 1 кеше һәлак булган, 1 кеше зарар күргән.

Сәбәпләре: эретеп ябыштыру эшләрен алып барган вакытта янгын кагыйдәләрен дөрес үтәмәү аркасында – 2 янгын, янгын белән саксыз эш итүдән – 1 янгын, төтен чыга торган юлның һәм мичнең төзек булмау аркасында  - 1 янгын, газ приборларын кулланган вакытта янгын куркынычсызлык кагыйдәләрен дөрес үтәмәү аркасында – 1 янгын,  электр җиһазларны кулланган вакытта янгын кагыйдәләрен дөрес үтәмәү аркасында  - 1 янгын.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 9 тапкыр чыктылар.

Ирекле янгын сүндерүчеләр янгынга 2 тапкыр чыктылар.

Эзләү – коткару зональ отрядының дежур каравылы тревога буенча 11 тапкыр чыктылар. Шуларның 2се ишекләрне ачу буенча, башка чакырулар буенча – 9 тапкыр.

01.04.2014ел  20.22  Югары Ослан МР,  Печищи авылы,  Кирова урамы,  49 нчы йорт.

Ут бер катлы бүрәнәле йортта чыга. Мәйданы  50 кв.м. Күршеләр әйтүенчә, әлеге йортта 2 гр. инвалид ир-ат яшәгән, ул еш кына спирт эчемлекләрен кулланган. Янгынны сүндергән вакытта коткаручылар аның мәетен табалар. Фаҗиганең сәбәбе -  газ приборларын кулланган вакытта янгын куркынычсызлык кагыйдәләрен дөрес үтәмәү.  

 Россия Гадәттән тыш хәлләр министрлыгы ТР буенча баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска           

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.