2013 ел өчен республика коткаручылары һәм янгын сүндерүчеләре эшләре йомгаклары чыгарылды
“Идел Буе округы иң нәтиҗәле гадәттән тыш хәлләр кисәтү һәм ликвидацияләү территориаль подсистемасы - Татарстан Республикасында.” дип билгеләп үтте Россия МЧС Идел Буе региональ үзәге башлыгы Игорь Паньшин 2013 ел өчен Татарстан Республикасы Россия МЧС Баш идарәсе эшләренә нәтиҗә ясауга багышланган коллегия барышында. Коллегия эшендә Татарстан Республикасы Президенты Рөстәм Минниханов, Татарстан Республикасы ПБ һәм КЧС Рәисе Юрий Камалтынов һәм башка кадерле кунаклар катнашты.
2013 ел өчен ТР РФ МЧС Баш идарәсе һәм ТР МЧС эшләренә югары билгене ТР Президенты Рөстәм Минниханов та куйды: “Эшнең нәтиҗәсе – сез 2013 елда иң яхшылар. Мондый нәтиҗәләргә комплекслы системалар белән генә ирешергә була. Без МЧС белән бердәм. Республикада Универсиада үткәрелде. Мондый чараларда иң мөһиме – куркынычсызлык тәэмин итү”.
Республика гадәттән тыш хәлләр идарәчелеге һәм ТР РФ МЧС эшләре узган ел нәтҗәләре һәм 2014 елда киләчәк планнар турында Республика МЧС башлыга Рафис Хәбибуллин чыгыш ясады.
- Ел эчендә янгын һәм коткару бүлекчәләренең ашыгыч тәэсир итү өчен әзерлеген яхшырту, аларны материаль һәм техник яктан тәэмин итү, халыкка хәбәр итү системасы үсеше, 112 системасын эксплуатациягә кертү башкарылды;
- 2013 ел өчен ил, ТР, Россия МЧС һәм Идел Буе региональ үзәге җитәкчелеге белән куелган мәсьәләләр үтәлде;
- Узган ел эчендә безнең коткаручылар белән 8 меңнән артык кеше коткарылды;
- Янгын чыгу очраклары 2.5%, пожарларда хәлак булганнар саны 15.5% артык кимеде;
- Халыкка хәбәр итү системасы булдырылды;
- Күзәтү башкару вакытында административ барьерларны киметү планлаштырыла, сайлауларга әзерләнү;
- Ветераннар һәм хәлак булганнар гаиләләре белән эш ителүе дәвам итә;
- Яңа эш хакы түләү системасы кертелде.
Шулай ук коллегия барышы вакытында узган елны үзләрен яхшы яктан күрсәткән Баш идарәсе һәм ТР МЧС хезмәткәрләре ТР хөкүмәт почетлы грамоталар һәм рәхмәт хатлары белән бүләкләнде.