Хәтер билгесе: Түбән Кама янгын сүндерүчеләре хезмәт бурычын үтәгәндә һәлак булган иптәшләренең туганнары белән очрашты
Моннан ике ай элек Түбән Кама янгыннан саклау елъязмасына кайгылы бит өстәлгән: саклана торган объекттагы янгынны сүндергәндә, хезмәт бурычын батырларча үтәп, 29 нчы янгын сүндерү бүлеге командиры Марат Нәҗипов һәлак булган. Аның исеме Түбән Кама янгын сүндерү-коткару гарнизонының Хәтер диварына кертелгән дүртенчесе булды.
"Газ заводындагы фаҗигадән 37 ел узды, анда кадрлар буенча өлкән инспектор Наил Мөхәммәдиев, ХЯСБ - 29 (хәрбиләштерелгән янгын сүндерү бүлеге) янгын сүндерүчесе Наил Кәлимуллин һәм ХЯСБ -35 янгын сүндерүчесе Вәзир Гурбанов һәлак булды. 2026 елның 31 мартында без Марат Нәҗиповны югалттык."- дип сөйләде кадрлар һәм тәрбия эше бүлеге начальнигы Валерий Рыцов.
"Марат безнең бердәнбер балабыз, безнең хәзинәбез иде. Без бу хәлне һаман да кабул итә алмыйбыз."- диде герой-янгын сүндерүченең әтисе Альберт Нәҗипов.
"Безне уртак кайгы берләштерде. Нәҗиповлар гаиләсенә, кайчандыр без булдырганча, зур югалту кичерергә ярдәм итәсе килә. Янгын сүндерүчеләргә һәм отряд җитәкчелегенә якыннарыбызны искә алулары өчен рәхмәт белдерәм."- дип рәхмәт белдерде янгын сүндерүчеләргә Татьяна Кәлимуллина.
Туганнары һәм отряд вәкилләре 35 нче янгын сүндерүчеләр һәйкәленә чәчәкләр салдылар. Алар Марат Нәҗипов һәм Наил Кәлимуллин хезмәт иткән 29 нчы янгын сүндерү бүлегендә мемориаль панноны карадылар, шулай ук 47 нче янгын сүндерү бүлегендә оештырылган Хәтер дивары янында бер минут тынлык үткәрделәр.