Әлмәт коткаручылары мәктәп укучылары өчен зур куркынычсызлык дәресе үткәрде
Әлмәт эзләү-коткару пункты хезмәткәрләре шәһәр мәктәпләренең берсендә укучылар өчен профилактик чара үткәрделәр. Дәрес Мактама микрорайонындагы мәктәп базасында узды. Коткаручылар балалар өчен язгы чорда, шул исәптән су объектларында да, үз-үзеңне куркынычсыз тоту кагыйдәләренә багышланган тематик әңгәмә оештырды. Аеруча игътибар эри торган бозга чыгу куркынычына, сулыклар янында уенның ярамавына һәм гадәттән тыш хәлләрдә эш итү алгоритмына бирелде.
Интерактив формат һәм материалны һәркем файдалана алырлык итеп бирү аркасында әңгәмә яшь тыңлаучыларда зур кызыксыну уятты. Укучылар актив рәвештә сораулар бирделәр, ашыгыч хезмәт номерларын ачыкладылар һәм үзләре тормыштан мисаллар китерделәр. Чара 89 кешене үз эченә алды, шуларның 85е — балалар. Һәр катнашучыга тормыш иминлеге нигезләре буенча белешмәлек тапшырылды. ТР буенча Россия гадәттән тыш хәлләр министрлыгы балаларны куркынычсызлык кагыйдәләренә өйрәтү гомерләрне саклап кала, дип искәртә. Балалар белән даими әңгәмәләр үткәрегез, аларның буш вакытларын контрольдә тотыгыз һәм вакыйга булган очракта кичекмәстән «112»телефоны буенча шалтыратыгыз.