Салават Кубогы Казанга килде!
Штурм баскычыннан күтәрелү, ике төр ярыш һәм йөз метрлы полосаны киртәләр аша узу кебек дисциплиналар нәтиҗәләре буенча иң көчле командалар билгеләнде. Ярышларда Россия ГТХМ өч югары уку йортыннан һәм Россия Федерациясенең 11 төбәгеннән җыелма командалардан 174 спортчы катнашты.
Безнең команда гомуми зачетта беренче урынны алды һәм мактаулы трофей яулады. Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Санкт-Петербург университеты командасы икенче урында, Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Урал институты спортчылары өченче урында.
Исегезгә төшерәбез, 3 нче февральдә Казанда Татарстан Республикасы Премьер-министры Кубогына янгын сүндерү-коткару спорты буенча XXI бөтенроссия ярышларын ачу тантанасы булачак. Иң абруйлы турнирда катнашуга гаризаны Россиянең төрле төбәкләреннән – Архангельск өлкәсеннән алып Приморье өлкәсенә кадәр 20гә якын команда тапшырган инде.