Төбәкара тәҗрибә уртаклашу: Красноярсктан "Татарстан Республикасы янгын сагы" ДКУнә эш визиты белән килгән коллегалар
Төбәкара хезмәттәшлекне үстерү һәм алдынгы тәҗрибә уртаклашу кысаларында өч көн дәвамында «Красноярск краеның янгынга каршы саклау» край дәүләт казна учреждениесенең янгынга каршы профилактика бүлеге хезмәткәрләре, бүлек башлыгы Федорченко Анна һәм инженерлар Якимова Эльвира һәм Рыбникова Екатерина эш визиты белән «Татарстан Республикасы янгын сагы» Татарстан Республикасы Дәүләт казна учреждениесендә булдылар.
Визит Татарстан Республикасы янгын сүндерү сагында эшләп килүче профилактик эш системасы белән танышудан башланды. Учреждениенең профилактика эшчәнлеге бүлеге хезмәткәрләре профилактика чараларын оештыру методикасын күрсәттеләр һәм күрсәтмә материалларны куллану тәҗрибәсе белән уртаклаштылар.
Сәфәр программасына шулай ук Татарстан Республикасының Яшел Үзән һәм Питрәч муниципаль районнарындагы янгынга каршы хезмәтнең аерым постларына бару да кертелгән иде, анда Красноярск крае вәкилләре урыннарда хезмәт һәм профилактика эшчәнлеген оештыруны үз күзләре белән күрә алдылар һәм Татарстандагы хезмәттәшләренең эш үзенчәлекләре белән таныша алдылар.
Соңгы этап Бөтенроссия ирекле янгын сүндерүчеләр җәмгыятенең Татарстан Республика бүлегендә булды. Анда кунакларга балалар һәм яшүсмерләрне янгын куркынычсызлыгы нигезләренә өйрәтү өчен эшләнгән уникаль инновацион комплекс күрсәтелде.
Төбәкләр арасында мондый практик тәҗрибә алмашу һөнәри элемтәләрне ныгытуга ярдәм итә һәм илдә янгын куркынычсызлыгы системасын камилләштерү өчен яңа мөмкинлекләр ача.