Татарстан янгынчылары «Урманны саклыйк» акциясен хуплады

2025 елның 19 октябре, якшәмбе

Урман байлыкларына сакчыл караш формалаштыруга һәм Татарстан урманнарын саклау һәм торгызу мәсьәләләренә җәмәгатьчелек игътибарын җәлеп итүгә юнәлдерелгән чараларны гамәлгә ашыру кысаларында Татарстан Урман хуҗалыгы министрлыгы 2025 елның 4 октябреннән 11 октябренә кадәр төбәкнең урман фонды территорияләрендә «Урманны саклыйк» дигән масштаблы табигать саклау акциясе үткәрде.

Татарстан Республикасының «Татарстан Республикасы янгын сагы» дәүләт казна учреждениесе, төбәкне яшелләндерүгә үз өлешен кертеп, экологик инициативаны актив рәвештә хуплады. Акция барышында учреждение хезмәткәрләре тарафыннан төрле агач-куак токымнарыннан 803 үсенте утыртылды, бу Татарстанның табигать мохитен саклау эшенә җаваплылык һәм бирелгәнлек күрсәтте.