Профилактик әңгәмә "Урта Балтай" авылының мәктәпкәчә учреждениесендә
Янгыннарны профилактикалау һәм үсеп килүче буын арасында куркынычсызлык культурасын формалаштыру кысаларында «Татарстан Республикасы янгыннан саклау» дәүләт казна учреждениесе хезмәткәрләре мәгариф һәм мәктәпкәчә учреждениеләрдә даими профилактик әңгәмәләр үткәрә.
Татарстан Республикасы Апас муниципаль районының Урта Балтай авылы балалар бакчасында Татарстан Республикасы Апас янгынга каршы хезмәт отрядының Урта Балтай авылын саклау буенча аерым пост начальнигы Абүбәкеров А.М. әңгәмә үткәрде.
Балаларга җәйге чорда аеруча мөһим булган янгын куркынычсызлыгының төп кагыйдәләрен аңлаешлы уен формасында аңлаттылар. Нәниләр ни өчен шырпы белән уйнарга ярамаганын, янгын чыккан очракта үзеңне ничек дөрес тотарга һәм ашыгыч очракларда нинди номерлар буенча шалтыратырга кирәклеген белделәр.
Әңгәмә ахырында балаларга ата-аналар белән алга таба өйрәнү өчен янгынга каршы тематикага белешмәләр тапшырылды.