Профилактик чаралар Саба муниципаль районының Шәмәрдән авылы балалар бакчасында
Балалар арасында янгын куркынычсызлыгы чаралары турында профилактик әңгәмәләр үткәрү-ул аларга янгын чыгу куркынычын аңларга һәм янгын очрагында дөрес эш итәргә өйрәнергә ярдәм итә торган мәҗбүри чараларның берсе.
Татарстан Республикасы янгынга каршы хезмәтенең Саба отрядының Шәмәрдән авылын саклау буенча аерым пост хезмәткәрләре Татарстан Республикасы Саба муниципаль районының Шәмәрдән авылындагы 1 нче «Әкият» балалар бакчасында тәрбияләнүчеләр белән аңлаешлы рәвештә әңгәмә үткәрделәр.
Тәрбияләнүчеләргә балалар өчен аңлаешлы формада янгын чыгуның сәбәпләре турында сөйләделәр, бернинди очракта да шырпы, электр приборлары белән уйнарга ярамый, ә янгын чыккан очракта олылар җитәкчелегендә тиз һәм оешкан төстә бинадан чыгып китәргә кирәк, дип аңлаттылар.
Шулай ук Шәмәрдән авылын саклау посты хезмәткәрләре балаларга янгын сүндерү техникасын һәм янгын сүндерү-техник коралларын, янгын сүндерүченең хәрби киемнәрен күрсәттеләр.