Борнак балалар бакчасында ачык дәрес
Татарстан Республикасы янгынга каршы хезмәтенең Саба отрядының Яңгул авылын саклау буенча аерым пост бүлекчәсе командиры Сабиров Р. Р. Татарстан Республикасы Балтач муниципаль районының Борнак балалар бакчасында Янгын куркынычсызлыгы турында әңгәмә үткәрде.
Аерым постның отделение командиры балалар өчен аңлаешлы формада тәрбияләнүчеләргә янгын чыгуның сәбәпләре турында сөйләде, бернинди очракта да шырпы, электр приборлары белән уйнарга ярамый, ә янгын чыккан очракта олылар җитәкчелегендә тиз һәм оешкан төстә бинадан чыгып китәргә кирәк, дип аңлатты.
Әңгәмәнең максаты балаларны ут белән шаяруның ихтимал нәтиҗәләрен аңлауга китерү, шулай ук гадәттән тыш хәлләр килеп чыккан очракта үз-үзеңне дөрес тотарга өйрәтүдән гыйбарәт иде.
Балалар бакчасында тәрбияләнүчеләргә һәм хезмәт күрсәтүче персоналга көнкүрештә янгын куркынычсызлыгы кагыйдәләрен үтәү турында белешмәләр тапшырылды.