Татарстанда "Кызыклы куркынычсызлык" ТРБ БИЯҖ инновацион проекты уңышлы старт алды! Онытылмас дәресләр!
Ул 2024 елда старт алды һәм Татарстан Республикасы Рәисе гранты ярдәмендә Бөтенроссия ирекле янгын сүндерү җәмгыятенең Татарстан Республика бүлеге тарафыннан гамәлгә ашырыла. Күптән түгел гамәлгә ашыруның практик өлешенә – балалар белән шөгыльләнүгә уңышлы күчте. 2025 елның март аенда команда Арча һәм Әтнә районнары мәгариф учреждениеләрендә 19 интерактив дәрес үткәрде, аларда 402 бала катнашты.
Нәтиҗәләр көтелгәннән дә артып китте. Балалар процесска актив кушылдылар, тест нәтиҗәләре буенча материалның югары дәрәҗәдә үзләштерелүен күрсәттеләр. Заманча технологияләр программага оператив төзәтмәләр кертергә мөмкинлек бирде: ниндидер темалар сораулар тудырса, социаль юнәлешле хезмәткәрләр аларны комплекстан күрсәтмә мисаллар кулланып, өстәмә рәвештә тикшерделәр.
Проектның максаты-янгын куркынычсызлыгы кагыйдәләрен өйрәтү генә түгел, ә үсеп килүче буында үз тормышына һәм тирә-юньдәгеләргә аңлы мөнәсәбәт формалаштыру.