Матбугат хезмәте Баш идарә һәм Министрлыкның мәгълүмат бүлекчәсе оешкан көнне билгеләп үтә
Бүген Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Татарстан Баш идарәсенең мәгълүмат бүлеге һәм ТР Гражданнар оборонасы эшләре һәм гадәттән тыш хәлләр министрлыгы хезмәткәрләре Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе матбугат хезмәте төзелүнең чираттагы еллыгын билгеләп үттеләр. Тантана республиканың янгын сүндерү музеенда узды.
Тантанага мәртәбәле кунаклар сыйфатында янгыннан саклау матбугат хезмәтен оештыруда катнашкан ветераннар, гамәлдәге хезмәткәрләр һәм төрле вакытта мәгълүмати бүлекчәдә хезмәт иткән һәм эшләгән кешеләр чакырылган иде.
Янгын саклауның аерым структур пропаганда бүлекчәсе 1983 елның 1 мартында оештырыла. Төп бурычлар арасында-Татарстан халкы арасында агитация һәм янгынга каршы пропаганда эшен оештыру.