Беренче ярдәм турында - БИЯҖ белгеченнән
Биектауның 2 нче урта мәктәбендә 6-8 нче сыйныф укучылары өчен мавыктыргыч чара узды. Очрашуның төп темасы Янгын сүндерүче һәм коткаручы һөнәренең әһәмияте һәм актуальлеге турында фикер алышу булды.
Чарада Татарстан БИЯҖнең Биектау участогы башлыгы Кирилл Дмитриев һәм «беренчеләр хәрәкәте»балалар һәм яшьләр төбәк хәрәкәте вәкилләре катнашты.
Кирилл Дмитриев беренче ярдәм күрсәтү буенча мастер-класс үткәрде. Балалар экстремаль ситуацияләрдә тормышны саклап кала ала торган мөһим күнекмәләр турында белделәр. Янгын шартларында гамәлләргә әзерләнүгә, шул исәптән янгын сүндергечләрне һәм башка янгын сүндерү чараларын куллануга аерым игътибар бирелде.
Чара мәктәп укучыларының янгын сүндерүче һәм коткаручы һөнәренең мөһимлеге һәм җаваплылыгы турында хәбәрдарлыгын арттыру, шулай ук аларда үз куркынычсызлыгын һәм әйләнә-тирәдәгеләрнең куркынычсызлыгын тәэмин итү өчен кирәкле күнекмәләр формалаштыру максатында оештырылды.