Биектау БИЯҖ белгеченнән мастер-класс
Биектауның 2 нче урта мәктәбендә 4 нче сыйныф укучылары өчен янгын сүндерүче һәм коткаручы һөнәрләренә багышланган мавыктыргыч дәрес үткәрелде. Чарада Татарстан БИЯҖнең Биектау участогы башлыгы Кирилл Дмитриев һәм «Беренчеләр хәрәкәте» балалар һәм яшьләр төбәк хәрәкәте вәкилләре катнашты.
Кирилл Дмитриев балаларга янгын сүндерүчеләр һәм коткаручылар эшенең мөһимлеге һәм катлаулылыгы, шулай ук бу һөнәр өчен нинди сыйфатлар кирәклеге турында сөйләде. Ул үз тәҗрибәсендәге вакыйгалар белән уртаклашты һәм балаларның күпсанлы сорауларына җавап бирде.
Бигрәк тә балаларга беренче ярдәм күрсәтү демонстрациясе истә калды. Кирилл Дмитриев мондый ярдәм күрсәтә белүнең мөһимлеген күрсәтте һәм сөйләде. Балалар белгечнең эш-гамәлләрен кызыксынып күзәттеләр һәм бик күп сораулар бирделәр.
Очрашу азагында укучылар чарада катнашучылардан истәлекле бүләкләр һәм сувенирлар алдылар. Бу вакыйга балаларда якты тәэсирләр калдырды һәм аларны кешеләрне яклау һәм коткару белән бәйле һөнәрләрне өйрәнергә рухландырды.
Барлык катнашучылар да бу чарадан канәгать калдылар, яңа очрашуларга һәм уртак проектларга өметләрен белдерделәр.