Белемле һәм кызыклы
Казан янгын-коткару гарнизонының янгынга каршы пропаганда һәм иҗтимагый элемтәләр үзәге хезмәткәрләре Казанның Авиатөзелеш районындагы 36 нчы мәктәпнең алтынчы сыйныф укучылары өчен янгыннан саклау музеена мавыктыргыч экскурсия оештырды. Балалар янгын сүндерү эше тарихы белән танышкач һәм саф һавага чыккач, аларны тагын да кызыклырак дәвам көтә – заманча янгын сүндерү-коткару техникасының мөмкинлекләрен күрсәтмә өйрәнү.
Экскурсия барышында балаларның бернәрсәне дә кулдан упкындырасы килмәде. Яшь кунаклар патша Россиясендә, Советлар Союзында һәм хәзерге Россиядә янгыннарны ничек сүндерүләрен һәм ничек кисәтүләрен белделәр.
Аннары балалар янгынга кадәр һәм аннан соң экспозиция - фатирны күрделәр. Күргәннәре уйланырга мәҗбүр итте. Балаларга янгыннан кайда һәм ничек качып булуы турында сөйләделәр.
Профилактиканы кинозалда мәктәп укучылары өчен янгынга каршы тематикага укыту фильмнары карау белән ныгыттылар.