Россия ГТХМ Яшел Үзән хезмәткәре шәһәрнең Мактау тактасында урын алды
Районның иң яхшы кешеләренең исемнәрен һәм фотосурәтләрен шәһәрнең Мактау тактасына урнаштыру – берничә ел элек Яшел Үзәндә шундый традиция керткәннәр иде. Мондый акциянең төп максаты-алдынгы эш тәҗрибәсен, һөнәри һәм иҗтимагый эшчәнлектә югары казанышларны хуплау. Бу хөрмәткә лаек булганнар арасында 8 нче янгын отряды хезмәткәрләре дә бар.
Быел Яшел Үзәннең мактау тактасына 8 нче отрядның янгыннарны профилактикалау бүлеге өлкән инспекторы Резеда Йосыпованың фотосын урнаштырдылар. Мондый сайлау очраклы түгел. Резеда Йосыпова күп кенә шәһәр халкына янгын сүндерү-коткару эшен актив пропагандалаучы буларак билгеле. Аның Гадәттән тыш хәлләр министрлыгы системасындагы стажы – 23 ел. Янгыннарга һәм башка гадәттән тыш хәлләргә чыга, халыкның иминлеген тәэмин итү мәсьәләләренә кагылышлы барлык вакыйгаларны һәм чараларны видеога төшерә һәм фотодокументлаштыра, барлык МАССАКҮЛӘМ мәгълүмат чаралары белән тыгыз хезмәттәшлек итә.
Югары профессиональлеге һәм хезмәт бурычына тугрылыгы өчен Резеда Йосыпова исеме шәһәрнең Мактау тактасына кертелде. Сертификат тапшыру тантанасы Татарстан Республикасы көненә багышланган бәйрәм чаралары кысаларында мактаулы гражданнар скверы территориясендә узды. Муниципаль берәмлек җитәкчелеге исеменнән Россия гадәттән тыш хәлләр министрлыгы хезмәткәрен Яшел Үзән районы башлыгы Михаил Афанасьев котлады.