БИЯҖ Татарстан бүлеге белгечләре уен формасында балаларга ут белән куркынычсызлык кагыйдәләре турында сөйләделәр
Янгын куркынычсызлыгы темасы бүгенге көндә гадәттән тыш актуаль. Кайчагында балалар уеннары һәм ут белән шаярулар, ут куркынычы булган предметлар белән оста эш итмәү янгыннарга сәбәп була. Балаларны ут белән куркынычсыз эш итәргә өйрәтү өчен Совет рәисенең беренче урынбасары Вәлиуллина Эльвира һәм Совет рәисенең административ мәсьәләләр буенча ярдәмчесе Гыйзатуллина Ләйсән мәктәпкәчә мәгариф учреждениеләрендә тәрбияләнүчеләр белән 300дән артык тыңлаучы катнашында янгынга каршы чара үткәрделәр.
Балалар БИЯҖ хезмәткәрләре белән мавыгып сөйләштеләр, хәрәкәтчән уеннар уйнадылар, янгын тематикасы буенча табышмакларга җаваплар бирделәр, сорауларга җавап бирделәр. Бигрәк тә мультипликацион фильм ошады, анда персонажлар ут белән саксыз мөгамәлә иткәннән соң бик куркыныч хәлгә эләккән һәм мультфильмның төп геройларының дөрес гамәлләре ярдәмендә генә котылып кала алган.
Барлык балалар, шулай ук тәрбиячеләр алган белемнәреннән канәгать калдылар һәм истәлеккә дидактик уен белән төсле белешмәләр алдылар.