БИЯҖ җәмәгатьчеләре катнашында профилактик визитлар дәвам итә
Чираттагы визит белән гадәттән тыш хәлләр министрлыгы хезмәткәрләре янгын сүндерүчеләр белән бергә Түбән Кама шәһәренең «Кама Артегы» балалар сәламәтләндерү лагеренда булдылар. Балаларны сөендереп, алар белән янгын куркынычсызлыгы буенча профилактика дәресе үткәрелде.
Барысы да лагерь корпусларыннан балаларны һәм персоналны укыту эвакуациясен үткәрүдән башланды. Мавыктыргыч күнегүләрдә ял итүче 324 укучы һәм 57 өлкән хезмәткәр катнашты. Балалар куркынычсыз зонага җыелгач, бүлек хезмәткәрләре һәм җәмәгать эшлеклеләре алар белән викторина формасында мавыктыргыч дәрес үткәрделәр. Укучыларга нәрсә эшләргә, кая шалтыратырга һәм янгын очрагында үзеңне ничек тотарга кирәклеген искә төшерделәр. Аларга шырпы, кабызгычлар, тиз кабынучан һәм янучан сыеклыклар белән уеннар, шулай ук көнкүрештә һәм балалар лагеренда булганда үз-үзеңне куркынычсыз тоту кагыйдәләре турында сөйләделәр.
Балалар викторинада актив катнаштылар, бирелгән сорауларга җавап бирделәр. Ә аннары балаларга беренчел янгын сүндерү чараларын ничек кулланырга кирәклеген күрсәттеләр һәм өйрәттеләр. Һәр бала янгын сүндергеч янына килә һәм аны гамәлдә сынап карый ала иде.