Яшьләр форумының янгын куркынычсызлыгы тәэмин ителде һәм тикшерелде
Биләр дәүләт тарих-архитектура музей-тыюлыгы территориясендә ел саен үткәрелә торган «Сәләт» Халыкара яшьләр мәгариф форумы ачылды. 1 смена слетына 500 бала һәм 150 хезмәт күрсәтүче персонал килгән иде. Мондый әһәмиятле чараның янгын сүндерү сагы Алексеевск янгын сүндерү-коткару гарнизоны хезмәткәрләренең күзәтү астында тора.
Районның күзәтчелек эшчәнлеге һәм профилактик эш бүлеге һәм янгыннан саклау хезмәткәрләре слет вакытында балаларның һәм персоналның янгын куркынычсызлыгын тәэмин итү буенча зур эш башкардылар. Палаткалы лагерь кешеләргә янгын турында хәбәр итү өчен тавыш сигналы бирүне тәэмин итүче тавыш көчәйткечләр белән җиһазландырылган. Лагерь периметры бер-берсеннән 40 метр ераклыктагы 6 метр биеклектәге терәкләргә урнаштырылган трослы яшен үткәргечләр системасы белән җиһазландырылган. Моннан тыш, балалар палаткалы лагере территориясе коры үлән үсемлекләреннән чистартылды.