Дәүләт янгын күзәтчелеге инспекторлары су белән тәэмин итү чыганакларын тикшерә
Биектау районы буенча күзәтчелек эшчәнлеге һәм профилактик эш бүлекчәсе хезмәткәрләре урман янгыннары килеп чыгу куркынычы янаган объектларда су белән тәэмин итү чыганакларын тикшерделәр. Аерым алганда, Гадәттән тыш хәлләр министрлыгы вәкилләре СНТ Крутушка 2 һәм СНТ Кактус 74 территориясендә профилактик визитлар белән булганнар.
Визит барышында Россия Федерациясе Куркынычсызлык Советының «2024 елда язгы ташуларны һәм табигый янгыннарны булдырмау һәм бетерү буенча өстәмә чаралар турында» 2023 елның 07 февралендәге Пр-273 номерлы оператив киңәшмәсе беркетмәсен гамәлгә ашыру кысасында каралды.
Тикшерү барышында янгынга каршы тышкы су белән тәэмин итү чыганакларының төзеклегенә, минераллаштырылган полосаларны яңартуга һәм территорияне коры үлән үсемлекләреннән һәм чүп-чардан чистартуга аерым игътибар бирелде.
Моннан тыш, бакчачыларга язгы-җәйге янгын куркынычы янаган чорда янгын куркынычсызлыгы таләпләрен үтәү турындагы белешмәләр тапшырылды, аларга, Татарстан Республикасы Министрлар Кабинетының 05.04.2024 №233 карары нигезендә, 22 апрельдән 12 майга кадәр Татарстан Республикасы территориясендә янгынга каршы махсус режим кертелүен искәрттеләр.
ГПН инспекторлары балалар һәм яшүсмерләрне сәламәтләндерү, ял итү һәм эш белән тәэмин итү буенча республика үзәге “Җәй” дәүләт бюджет учреждениесенең “Игелекле” балалар сәламәтләндерү лагере территориясен карарга өлгерделәр, анда шулай ук янгынга каршы су белән тәэмин итү системасының төзеклегенә инандылар.