Утка юк дип әйтик!
Түбән Камада И.Х.Садыйков исемендәге Балалар һәм яшьләр иҗат сараенда «Неопалимая Купина» янгын куркынычсызлыгы буенча Бөтенроссия балалар-яшүсмерләр иҗаты конкурсының муниципаль этабында җиңүчеләрне бүләкләү булды. Янгын сагының 375 яшьлек юбилее уңаеннан әлеге конкурс тагын да югарырак баскычка күтәрелде. Быел конкурста 46 мәгариф учреждениесе катнашты, шуларның 28 балалар бакчасы, 12 урта белем бирү мәктәбе, 2 коррекцион учреждение һәм 4 өстәмә белем бирү учреждениесе - бу 200 дән артык балалар эше.
Янгын куркынычсызлыгы буенча конкурслар үсеп килүче буынны тәрбияләүдә бик мөһим, үз рәсемнәрендә һәм кул эшләрендә балалар янгын сүндерүчеләрнең җитди һәм авыр эшләре, аларның героик гамәлләре, ут белән көн саен көрәшүләре турында сөйлиләр. Сүз уңаеннан, кул эшләнмәләре гаиләне берләштерә, балалар әти-әниләре белән бергә янгын куркынычсызлыгы кагыйдәләрен дә кабатлыйлар.