Яшел Үзән янгын сүндерүчеләре Идел бозында туңган ир атны коткардылар

2024 елның 22 гыйнвары, дүшәмбе

    Янгын күзәтчелегенә Яшел Үзән шәһәренең «Идел» реабилитация үзәге сакчысы шалтыраткан. Аның сүзләренчә, кич белән ул кар көрәргә чыккан һәм таксидан исерек ир-атның чыгып, карлы Идел култыгы аша каршы як ярга чыгуын күргән.

    Сакчы кешене акылга утыртырга, туктатырга тырышкан. Ләкин ул, исерек хәлдә, кар аша турыдан-туры барырга карар итә. Ир-ат сулык уртасына барып җитә һәм анда карда югала. Сакчы янгын сүндерүчеләрне чакырган.

    Урынга 34 янгын-коткару бүлеге хезмәткәрләре килә. Алар ялгыз юлчыга барып җиткәннәр. Ул карда йоклап киткән һәм, әлбәттә, уяу сакчы булмаса, туңган булыр иде. Янгын сүндерүчеләр ир-атны кардан чыгарып, ашыгыч медицина ярдәме машинасына алып барып, табиблар кулына тапшыралар.