Рафис Хәбибуллин: объектның торышына, персоналның гадәттән тыш хәл вакытында эшләргә әзерлегенә бик күп нәрсә бәйле
Бүген «Казан Экспо» Халыкара күргәзмәләр үзәге территориясендә гадәттән тыш хәлләрне кисәтү һәм бетерү функциональ һәм территориаль подсистемаларының идарә органнары һәм көчләре реакциясе буенча масштаблы ведомствоара команда-штаб өйрәнүләре узды. «Россия - Ислам дөньясы: Казанфорум» халыкара икътисадый форумы булачак. 65 ил вәкилләре катнашындагы бу зур халыкара чара Татарстан башкаласында 18-19 майда узачак.
Укытуның нияте нигезенә форум уздыру чорында «Казан Экспо» да барлыкка килергә мөмкин булган реаль хәл салынган. Россия гадәттән тыш хәлләр министрлыгының Татарстан Республикасы буенча Баш идарәсе көчләре һәм чаралары шартлы янгынны локальләштерү һәм бетерү, шартлы һәлак булганнарны һәм зыян күрүчеләрне эвакуацияләү буенча гамәлләр башкарды. Моннан тыш, тренировка барышында тамашачыларны һәм хезмәт күрсәтүче персоналны кисәтү һәм эвакуацияләүне оештыру мәсьәләләре тикшерелде.