Татарстан Республикасы Министрлар Кабинеты 2022 елгы язгы ташу чорында Татарстан Республикасы халкын һәм территориясен саклау чаралары планын раслады
Бүген Татарстан Республикасы Премьер - министры Алексей Песошин» 2022 елгы язгы ташу чорында Татарстан Республикасы халкын һәм территориясен саклау чаралары турында " 21.01.2002 ел, № 33 Татарстан Республикасы Законын имзалады.
Гадәттән тыш хәлләрне кисәтү һәм халыкны, хуҗалык һәм торак объектларны, гидротехник корылмаларны, юлларны һәм күперләрне саклау максатларында 2022 елгы язгы ташу чорында Татарстан Республикасы халкын һәм территориясен саклау буенча чаралар планы расланды. Анда җәлеп ителә торган министрлыклар һәм ведомстволар өчен оештыру, практик һәм контроль чаралар язылган, шулай ук язгы ташуга каршы чараларны үтәү өчен җаваплы министрлыклар һәм ведомстволар җитәкчелегенә бурычлар билгеләнгән.
Әлеге карарның үтәлешен контрольдә тоту Татарстан Республикасы Гражданнар оборонасы һәм гадәттән тыш хәлләр министрлыгына йөкләнгән. 2022 елның 1 апреленә кадәр барлык җәлеп ителгән структуралар Татарстан Республикасы Гадәттән тыш хәлләр министрлыгына План чараларын гамәлгә ашыру турында, ә 2022 елның 16 маена кадәр – ташу нәтиҗәләре турында мәгълүмат бирергә тиеш.