ГТХМ ветераны өчен лаеклы бүләк
Бүген Россия гадәттән тыш хәлләр министрлыгының ТР буенча Баш идарәсендә республика гадәттән тыш идарәчелегенең беренче җитәкчеләренең берсе – Минзагит Исламгир улы Җиһаншинга 70 яшь тулды. Россия гадәттән тыш хәлләр министрлыгының ТР буенча Баш идарәсе башлыгы эчке хезмәт генерал-лейтенанты Рафис Хәбибуллин мактаулы аксакалга Татарстан Республикасы дәүләт бүләген – «Фидакарь хезмәт өчен» медален тапшырды.
Минзаһит Исламгир улының бөтен тормышы Ватанга хезмәт итү белән бәйле.
Аның язмышы гадәттән тыш хәлләр министрлыгы белән тыгыз бәйләнгән. Бу еллар эчендә күп эшләнде, күп нәрсәне чиста биттән башларга туры килде.
- Мин бик күп ветераннарыбыз һәм бүген ГТХМ хезмәткәрләре алдында әлеге министрлык эшендә катнашуыбызны зур горурлык белән искә алам. - җавап сүзен запастагы полковник Җиһаншин башлады. - Бүген миңа Дәүләт бүләге тапшырдылар. Үз вакытында эшли башлаган Рөстәм Нургалиевич һәм Минтимер Шәриповичка зур рәхмәтләремне җиткерүегезне сорыйм. Бүген дә Татарстан ГТХМ һәм ТР буенча Россия ГТХМ Баш идарәсе бик зур эш башкара. Тагын бер кат рәхмәт!