Республикада көн саен янгын куркынычсызлыгы таләпләрен бозучыларны ачыклау буенча рейдлар үткәрелә
Бүген закон бозучыларны бакчачылык ширкәтләрендә һәм Яшел Үзән районының Осиново бистәсе районында шәхси сектор территориясендә дә эзләделәр. Яшел Үзән районы буенча надзор эшләр һәм профилактик эшләр бүлеге, 8 янгын-коткару отряды, полиция һәм җирле администрация вәкилләре составындагы патруль мобиль төркем коры үлән һәм чүп-чар яндыручыларны, шулай ук дачада шашлык әзерләү һәвәскәрләрен эзләделәр.
Татарстан Республикасы территориясендә урнашкан коры һәм җилле һава торышы санаулы минутларда гаепсез янгынны масштаблы янгынга кадәр тарата ала. Атна дәвамында янгын сүндерү бүлекчәләренең янгыннарга чыгу күрсәткечләре, нәкъ менә коры үлән һәм камыш яну хисабына, берничә тапкыр арткан. Татарстан янгын сүндерүчеләренә тәүлек эчендә 50 һәм аннан да күбрәк янгын сүндерергә туры килә.
Янгын стихиясенең бөтен куркынычын аңламаган кешеләргә 2 меңнән 4 мең сумга кадәр административ «бүләк» язып, бәйрәмне карарга туры килә.