Мөмкинлекләре чикләнгән балалар һәм яшүсмерләр өчен тернәкләндерү үзәге персоналы белән инструктаж
Тәҗрибә күрсәткәнчә, бәхетсезлек, нигездә, кешеләрнең ваемсызлыгы аркасында килеп чыга. Еш кына утта янгын сәбәпчеләре үзләре генә түгел, аларның туганнары һәм күршеләре дә һәлак була. Ут милекне, торакны юкка чыгара, дип әйтми дә булмый. Саклык чараларын үтәгәндә, янгынны булдырмаска кыен түгел. Гадәттән тыш хәл очрагында физик үзенчәлекләр буенча мөстәкыйль рәвештә җавап бирә алмаучыларга нишләргә соң? Бу очракта якын-тирәдәгеләргә, туганнары яки сәламәтлек саклау һәм социаль яклау объектларының хезмәт күрсәтүче персоналы булу-булмауга бик зур-мөһим роль бирелә. Нәкъ менә аларны өйрәтүгә дәүләт янгынга каршы хезмәте хезмәткәрләре зур игътибар бирә. Шулай итеп, Минзәлә муниципаль районындагы «Умырзая «мөмкинлекләре чикле балалар һәм яшүсмерләр өчен тернәкләндерү үзәге» дәүләт автоном социаль хезмәт күрсәтү учреждениесендә Татарстан Республикасы Актаныш һәм Минзәлә муниципаль районнары буенча күзәтчелек эшчәнлеге һәм профилактик эшләрнең районара бүлеге башлыгы Альберт Тимерханов хезмәткәрләр белән янгын куркынычсызлыгы чаралары буенча инструктаж үткәрде.
Янгынга каршы инструктажлар барышында ГПН хезмәткәрләре персоналның янгын килеп чыккан очракта хәрәкәт итү тәртибе буенча теоретик белемнәрен һәм кешеләрне бинадан тиз, төгәл эвакуацияләүне оештыру кебек гамәли эшләрне тикшерүгә аерым басым ясыйлар. Чөнки нәкъ менә шушы кешеләрнең дөрес гамәлләренә чит кешеләрнең тормышы, үзе турында кайгырта алмаган кешеләрнең тормышы бәйле булачак. МЧС хезмәткәре персоналның белемнәрен тикшергәннән соң, ул беренчел янгын сүндерү чараларын куллану тәртибе турында искә төшерде.
Ахырда Альберт Фәритович, янгын куркынычсызлыгына кагылышлы мәсьәләләрдә даими рәвештә уяу булырга, үз йортыңнан яки эш урыныннан чыгып, янгынны кисәтү өчен барысын да эшләгәнегезне тикшерергә кирәк, дип билгеләп үтте. Барлык электр приборлары, компьютерлар, аудио - һәм видеотехника розеткалардан алынганына инанырга кирәк.