Әлмәт районының яшь янгынчылар дружиналары ярыштылар
«Татарстан Республикасы буенча Федераль янгынга каршы хезмәтенең шартнамә бүлекчәләре Идарәсе» ФГБУның ЭКБ-9 укыту-тренировка манежы базасында Әлмәт шәһәре һәм Әлмәт муниципаль районы мәктәпләре арасында Яшь янгын сүндерүчеләр дружиналары беренчелегенә ярышлар узды. Ярышларның максаты-беренчел янгын сүндерү чараларын нәтиҗәле куллану күнекмәләрен камилләштерү, янгын сүндерүче һөнәрен пропагандалау һәм иң сугышчан дружиналарны ачыклау.
Гадәттәгечә ярышлар ике этапта узды-каршылыклар аша 100 метрлы полосаны үтү һәм штурм баскычыннан уку башнясы тәрәзәсенә менү. Ярышларда районның 10 мәктәбеннән барлыгы 15 команда катнашты.
Яшь янгынчылар янгын сүндерү-гамәли спорт буенча үз сәләтләрен югары дәрәҗәдә күрсәттеләр. Түбән Мактаманың 1 нче урта мәктәбе командасы яхшы нәтиҗәләр белән сөендерде, ул лаеклы рәвештә 1 нче урынны һәм күчмә кубокны яулады, 2 нче урында – 25 нче урта мәктәп, ә 3 нче урынны «инженерлык лицее»ннан балалар һәм яшүсмерләр спорт мәктәбе командасы яулады. Барлык җиңүчеләргә дә «БИЯҖ»ТРБ Әлмәт бүлегеннән кыйммәтле бүләкләр һәм грамоталар тапшырылды.