Татарстанның янгын-коткару бүлекләрендә дезинфекция эшләре дәвам итә.
Теләсә кайсы предприятиедә һәм оешмада коронавирустан дезинфекция үткәрү COVID-19 вирусы таралуга каршы көрәшергә, персоналны мөмкин кадәр саклап калырга һәм хезмәткәрләр арасында эпидемия таралу мөмкинлегеннән сакларга тиешле мөһим һәм кирәкле чара булып тора.
Яшел Үзән шәһәренең 8 янгын сүндерү һәм коткару отрядында дезинфекция буенча эшләр даими рәвештә алып барыла. Шәхси гигиенаның гади чараларыннан тыш, биналарны, янгын сүндерү автомобильләрен, хезмәт урыннарын дезинфекцияләү, һаваны җилләтү һәм зарарсызландыру, дымлы җыештыру да оештырыла. Соңгы чаралар барышында хәтта җирле янгын техникасы экспонатлары да дезинфекцияләнде. Борынгы янгын обозын һәм совет чорындагы мотоциклны реконструкцияләү шәһәрлеләрдә бик популяр, алар еш кына әлеге экспонатлар фонында «селфи» ясый.
Моннан тыш, көн саен кояшлы һава торышы вакытында дежур каравыллар саф һавада урын-җир кирәк-яракларын зарарсызландыралар.