Янгын куркынычсызлыгы буенча интерактив дәресләр
Балалар белән эшне оештырганда төп бурыч-конкрет яшь өчен кирәк булган тәэсир итү ысулын табу. Моның өчен ДЯК инспекторлары мәгариф объектларының укытучылар составы белән тыгыз элемтәдә торалар.
Спас районы Иске Рәҗәп урта мәктәбендә инглиз теле дәресендә "ут" темасы каралды. Тормыш өчен мөһим булган кагыйдәләрне үстерү максатыннан мәктәп укучыларына дәрескә ГТХМ хезмәткәре чакырылган иде.
Әлки һәм Спас муниципаль районнары буенча күзәтчелек эшчәнлеге һәм профилактик эшләр буенча районара бүлекчәсенең өлкән инспекторы Анна Колесова бу мәктәптә еш кунак. Бу юлы ул үзенең дәресен диалог формасында төзеде. Ул дәреснең ут темасына кагылышлы сораулар бирде, ә балалар укытучы ярдәме белән җавап бирделәр, хәтта янгын куркынычсызлыгы кагыйдәләрен инглиз теленә дә тәрҗемә иттеләр. Мавыктыргыч дәрес бер мизгел кебек узды, балаларга дәрес барышы бик ошады һәм алар ГТХМ формасындагы бер генә укытучыны да калдырмаска тырыштылар.
ДЯК хезмәткәрләре үткәрә торган дәресләрнең төп максаты-уку йортларында, җәмәгать урыннарында, өйдә һәм көнкүрештә янгын куркынычсызлыгы таләпләрен үтәү зарурлыгы һәм мөһимлеге турында искәртү.