Казанда Россиядә иң дәрәҗәле кышкы турнир – Татарстан Республикасы Премьер-министры Кубогына XVI Бөтенроссия ярышлары башланды
Турнир кабат үз әһәмиятен Россиядә иң яхшыларның берсе буларак күрсәтте. Чөнки нәкъ менә Казанда гадәттәгечә Россия янгын-гамәли спортының кышкы сезоны ачыла. Россия Федерациясенең төрле төбәкләреннән, Россия ГТХМ югары һәм махсус уку йортларыннан 25 команда вәкилләре ярышларны тантаналы ачу вакытында сафта булдылар. Быел Татарстан Республикасы Премьер-министры Кубогын Уйнату Россия чикләрен киңәйтте – турнирга Германия спортчысы Йонас Медэ гариза бирде. Ә ике ярыш көне эчендә 500дән артык катнашучы көрәшәчәк.
Ярышларны ачу тантанасыннан соң, ир-атлар арасында каршылыклар аша 100 метр араны узышу башланды.
Исегезгә төшерәбез, командалар составында өлкән спортчылар – ир-атлар һәм хатын-кызлар, шулай ук егетләр һәм кызлар чыгыш ясый. Команда зачетында җиңүче һәм мактаулы трофей иясе команданың барлык катнашучыларының иң яхшы нәтиҗәләре суммасы буенча билгеләнә. Шәхси ярышларда җиңүчеләр һәм призерлар медальләр һәм бүләкләр алачак.
Иртәгә штурм баскычы буенча уку башнясы тәрәзәсенә менү буенча ярышлар узачак, шуннан соң ярышларның ябылу тантанасы һәм җиңүчеләрне бүләкләү булачак.
Әлеге турнирда җиңүче командага республика Хөкүмәте башлыгы тапшырыла торган мактаулы трофей күчмә статуска ия. Мәңгелек кубокны өч тапкыр мактау пьедесталының югары баскычына менгән җыелма команда ала.