WorldSkills Kazan 2019 вакытында Казанда һәм ТР Лаеш районында махсус янгынга каршы режим кертеләчәк
WorldSkills Kazan 2019 эшче һөнәрләренең дөнья чемпионатын уздыру вакытында Казанда һәм Татарстан Республикасы Лаеш районының ике авыл җирлегендә янгынга каршы махсус режим кертеләчәк. ТР Министрлар Кабинетының тиешле карарын ТР Премьер-министры вазифаларын башкаручы Рөстәм Нигъмәтуллин имзалады. Документта: «16-29 августта Казан территориясендә, шулай ук ТР Лаеш районының Олы Кабан һәм Столбище авыл җирлекләрендә янгынга каршы махсус режим урнаштыру " диелгән.
Янгынга каршы махсус режим чорында корыган үләнне һәм чүп-чарны яндыру, барлык категория җирләрендә учаклар үрчетү, шулай ук чемпионатны уздырганда катнашучы корылмалардан 1-3 класслы куркыныч пиротехника куллану тыела. Моннан тыш, 16 августтан 29 августка кадәр гражданнар күпләп ял итә торган урыннарда, урман-парк зоналарында һәм чемпионат уздыру объектлары янында муниципаль берәмлек башлыкларына гражданнар тарафыннан янгын куркынычсызлыгы таләпләрен үтәү буенча патрульлек итүне оештыру күрсәтмәсе бирелде.
Татарстан Республикасы буенча Россия ГТХМ Баш идарәсенең һәм Татарстан Республикасы ГТХМ ның берләштерелгән матбугат хезмәте