Татарстан Республикасы Министрлар Кабинеты 2019-нче елгы язгы ташу чорында Татарстан Республикасы халкын һәм территориясен саклау буенча чаралар планын раслады
"2019 елгы язгы ташу чорында Татарстан Республикасы халкын һәм территориясен саклау чаралары турында” тиешле карарга ТР Премьер-министры Алексей Песошин кул куйды. Гадәттән тыш хәлләрне кисәтү һәм халыкны, хуҗалык һәм торак объектларын, гидротехник корылмаларны, юлларны һәм күперләрне саклау максатларында 2019 елгы язгы ташу чорында Татарстан Республикасы халкын һәм территориясен саклау буенча чаралар планы расланды, анда җәлеп ителә торган министрлыклар һәм ведомстволар өчен оештыру, гамәли һәм контроль чаралары язылган, шулай ук министрлык һәм ведомстволар җитәкчеләренә чаралар башкару өчен җаваплы бурычлар билгеләнде.
2019 елның 31 мартына кадәр Татарстан Гадәттән тыш хәлләр министрлыгы республика башкарма хакимияте органнары һәм җирле үзидарә органнары белән берлектә Язгы ташу куркынычсызлыгы чорында региональ һәм муниципаль характердагы гадәттән тыш хәлләрне кисәтү һәм бетерү буенча Татарстан Республикасының гадәттән тыш хәлләрне кисәтү һәм бетерү буенча территориаль ярдәмче системасы идарәсе органнары һәм көчләре белән комплекслы өйрәнүләр оештырылачак һәм үткәреләчәк. Шулай ук муниципаль хакимият зур эш башкарырга тиеш.
Язгы ташу чорына кадәр җирле үзидарә органнарына, Ростехнадзорның Идел буе идарәсенә, Татарстан Республикасы Гадәттән тыш хәлләр министрлыгына авария хәлендә булган гидротехник корылмаларны, шулай ук теркәлмәгән (кабул итү-тапшыру актлары буенча тапшырылган) милек хокукын комиссион тикшерү, шулай ук гидротехник корылмаларны тикшерү актларын төзү йөкләнде.
Әлеге карарның үтәлешен контрольдә тоту Татарстан Республикасы Гражданнар оборонасы эшләре һәм гадәттән тыш хәлләр министрлыгына йөкләнгән.